Tíu vildarbörn á leið í draumaferðina

Úthlutað var styrkjum úr sjóðnum Vildarbörn, styrktarsjóði Icelandair og viðskiptavina félagsins í dag í tólfta skiptið. Markmið sjóðsins er að gefa langveikum börnum og börnum sem búa við sérstakar aðstæður tækifæri til þess að fara í draumferð sem þau ættu annars ekki kost á. Að þessu sinni hlutu 10 börn og fjölskyldur þeirra styrk úr sjóðnum. Alls hafa 250 fjölskyldur notið stuðnings frá sjóðnum frá stofnun hans.

Í styrknum felst skemmtiferð fyrir barnið og fjölskyldu þess, og er allur kostnaður greiddur - flug, gisting, dagpeningar og aðgangseyrir að sérstökum viðburði sem barnið óskar sér, að því er segir í tilkynningu.

Við síðustu úthlutanir hafa mörg barnanna valið að fara til Flórída og heimsækja Disneyland.

Starfsemi Vildarbarna Icelandair byggir á hugmyndum og starfi Peggy Helgason, sem hefur um árabil unnið sem sjálfboðaliði á barnadeildum sjúkrahúsa í Reykjavík og stutt fjölskyldur fjölda veikra barna með ýmsum hætti. Hún er nú í stjórn Vildarbarna Icelandair. Verndari sjóðsins er frú Vigdís Finnbogadóttir, fyrrverandi forseti Íslands og formaður stjórnar hans er Sigurður Helgason fyrrum forstjóri félagsins, samkvæmt tilkynningu.

Icelandair.

• 3 blogg um fréttina

Bloggað um fréttina

• Jac Norðquist: Æðislegt !
• Guðrún Emilía Guðnadóttir: Draumaferð sem eigi gleymist.
• Kjartan Pétur Sigurðsson: SÍÐASTA FLUG MEÐ FLUGLEIÐUM