Sumar og sigur í lofti segir Jóhanna

Jóhanna Sigurðardóttir, formaður Samfylkingarinnar mætti á kjörstað í Hagaskóla fyrir stundu og greiddi atkvæði. Jóhanna sagði sumar í lofti og sigur síns fólks í augsýn. Fjöldi ljósmyndara og myndatökumanna erlendra fjölmiðla fylgdi Jóhönnu inn í Hagaskóla.

Vestur á fjörðum mætti Guðjón Arnar Kristjánsson, formaður Frjálslynda flokksins. Guðjón Arnar greiddi atkvæði í Ísafjarðarbæ nú fyrir skömmu.

Síðastur flokksleiðtoganna til að greiða atkvæði var Sigmundur Davíð Gunnlaugsson, formaður Framsóknarflokksins. Hann mætti í Ráðhúsið á ellefta tímanum og skilaði sínu atkvæði.