Innlent | mbl | 26.4.2009 | 10:24

Ráðherra féll af þingi

Kolbrún Halldórsdóttir. Steinar Hugi

Einn af ráðherrum núverandi ríkisstjórnar náði ekki kjöri á Alþingi, en það er Kolbrún Halldórsdóttir umhverfisráðherra, en hún var í þriðja sæti á lista Vinstrihreyfingarinnar - græns framboðs í Reykjavík - suður. Flokkurinn fékk tvo þingmenn í kjördæminu, en þrjá í Reykjavík - suður.

Kolbrún hefur setið á þingi frá árinu 1999 þegar VG fékk fyrst kjörna menn á þing. Hún var skipuð umhverfisráðherra þegar ríkisstjórn VG og Samfylkingar tók við völdum í vetur.

Þá féll formaður þingflokks Sjálfstæðisflokksins, Arnbjörg Sveinsdóttir, út af þingi. Arnbjörg var í 3. sæti listans í Norð-austurkjördæmi, en flokkurinn fékk aðeins 17,5% fylgi í kjördæminu og tvo menn.