„Fádæma sóðaleg auglýsing“

„Mér finnst þessi auglýsing fádæma sóðaleg,“ segir Birna Jónsdóttir, formaður Læknafélags íslands, um blaðaauglýsingu Samtaka iðnaðarins (SI) sem birt var í dag og vakið hefur hörð viðbrögð.

Í auglýsingunni stendu sveittur karl með sprautu yfir nöktum og glenntum fótleggjum sem greinilega tilheyra konu. Yfirskrift myndarinnar er: „Velur þú fagmann eða fúskara?“

„Þetta er að ráðast á það aumasta og það veikasta. Konur sem fara í fóstureyðingu eru nánast alltaf tilneyddar til þess og þeim líður illa. Þetta kalla ég að níðast á neyð kvenna. Sem kona er ég afskapleg ósátt við að þessi neytendi heilbrigðiskerfisins, sem er lítilmagni í vanlíðan, sé misnotaður með þessum hætti.“

Að sögn hefur framkvæmdastjóri Læknafélags Íslands, að höfðu samráði við sig, sett sig í samband við SI til að kvarta yfir auglýsingunni.

„Skaðinn er skeður. Það er búið að birta auglýsinguna. En mér finnst alveg lágmark að hún verði ekki birt aftur.“

• 5 blogg um fréttina

Bloggað um fréttina

• Emil Örn Kristjánsson: Málfarshornið - Hvað ertu eiginlega að reyna að segja?
• Jakob Þór Haraldsson: Fáranlega vitlaus auglýsing!
• Lana Kolbrún Eddudóttir: Tilheyrir fóstureyðing starfi iðnaðarmannsins ?
• Börkur Hrólfsson: Þetta er ekki kona !
• Harpa Björnsdóttir: Er fúsk í hvíta húsinu?