Innlent | Morgunblaðið | 1.5.2009 | 5:30 | Uppfært 20.12.2009 17:16

Hlé á viðræðum í dag

Norræna húsið í Reykjavík. mbl.is/Sverrir

Engar formlegar stjórnarmyndunarviðræður fara fram í dag, á alþjóðlegum frídegi verkafólks. Fundað var í Norræna húsinu í gær og er búist við að viðræður taki u.þ.b. viku til viðbótar.

Breytingar hafa verið gerðar á viðræðuhópnum því Össur Skarphéðinsson og Ögmundur Jónasson taka nú þátt í viðræðunum. Með því hefur starfshópur um Evrópumál verið lagður niður, eða stækkaður, að minnsta kosti að svo komnu máli.

Ögmundur segir að þetta hafi verið ákveðið svo hlutirnir væru ekki ræddir í tvennu lagi. Spurður um hvernig gengi svaraði Ögmundur að því myndi Steingrímur svara, en annars væri allt „í góðum gír“.