Innlent | mbl | 1.5.2009 | 14:48 | Uppfært 15:09

Nýjan sáttmála um stöðugleika

Mynd 1 af 23 Kröfuganga fór að venju niður Laugaveg 1. maí Kristinn

Mynd 2 af 23 Við Hlemm. Kristinn

Mynd 3 af 23 Lúðrasveitin Svanur tók þátt í göngunni. GSH

Mynd 4 af 23 Lúðrasveit verkalýðsins var í fararbroddi göngunnar í Reykjavík. GSH

Mynd 5 af 23 Göngumenn bíða eftir að lagt sé af stað frá Hlemmi. GSH

Mynd 6 af 23 Göngumenn bíða eftir að lagt sé af stað frá Hlemmi. GSH

Mynd 7 af 23 Sigtryggur Baldursson og félagar hituðu upp fyrir gönguna með slagverkstónlist sem minnti á búsáhaldabyltinguna. GSH

Mynd 8 af 23 Göngumenn bíða eftir að lagt sé af stað frá Hlemmi. GSH

Mynd 9 af 23 Forsvarsmenn Alþýðusambands Íslands voru í fararbroddi kröfugöngunnar. GSH

Mynd 10 af 23 Fulltrúar hælisleitenda og stjórnleysingja tóku þátt í göngunni. GSH

Mynd 11 af 23 Kröfuganga í Barcelona á Spáni. Reuters

Mynd 12 af 23 Franski þjóðernisöfgasinninn Jean-Marie le Pen leiddi göngu Þjóðarfylkingarinnar í París. Reuters

Mynd 13 af 23 Mótmælendur hrópa slagorð í Istanbul í Tyrklandi. Reuters

Mynd 14 af 23 Átök brutust út í Seoul, höfuðborg Suður-Kóreu. Reuters

Mynd 15 af 23 Starfsmenn franska hjólbarðaframleiðandans Continental mótmæltu uppsögnum í Clairoix. Reuters

Mynd 16 af 23 Hermenn fylgjast með kröfugöngu í Moskvu í Rússlandi. Reuters

Mynd 17 af 23 Nokkuð róstusamt hefur verið í Berlín í dag. Reuters

Mynd 18 af 23 Frá 1. maí göngu í Varsjá í Póllandi Reuters

Mynd 19 af 23 Lögregla lenti í átökum við mótmælendur í Istanbul í Tyrklandi. Reuters

Mynd 20 af 23 Átök brutust út fyrir utan þinghúsið í Aþenu í Grikklandi. Reuters

Mynd 21 af 23 Gylfi Arnbjörnsson, forseti ASÍ, flytur ræðu á Austurvelli. GSH

Mynd 22 af 23 Mikið fjölmenni tók að venju þátt í 1. maí hátíðarhöldum á Kúbu að viðstöddum Raúl Kastró, forseta. Reuters

Mynd 23 af 23 Félagar í Bolsjévikkaflokknum, sem raunar er bannaður, í miðborg Moskvu. Reuters

Gylfi Arnbjörnsson flytur ávarp á Austurvelli. mbl.is/Kristinn

Gylfi Arnbjörnsson, forseti Alþýðusambands Íslands, flutti ávarp á baráttusamkomu verkalýðsins á Austurvelli í dag. Sagði hann að nú þyrftu Íslendingar að hafa þann kjark sem þarf til að leggja grunn að réttlátu þjóðfélagi komandi kynslóða. Hollt væri að minna á þær fórnir sem launafólk hefur fært og þann árangur sem barátta verkalýðshreyfingarinnar hefur skilað.

Ekki mætti gleyma því að föst laun, hvíldartími, frídagar, sumarleyfi, fæðingarorlof, mannsæmandi aðbúnaður, atvinnuleysistryggingar og almannatryggingar væru ekki sjálfsögð réttindi. Þau hofi ekki orðið til fyrir frumkvæði stjórnvalda, heldur fyrir baráttu launafólks, foreldra vinnandi fólks í dag, og foreldra þeirra.

Gylfi gerði efnahagsvandann líka að umtalsefni. Hann sagði ASÍ hafa varað við því að efnahagsstefna stjórnvalda og Seðlabanka myndi leiða til kollsteypu með mikilli verðbólgu og atvinnuleysi. ,,Þeir stjórnmálaflokkar sem stóðu fyrir þeirri stefnu bera í raun ábyrgð á því að hafa rofið þjóðarsáttina," sagði Gylfi.

Gylfi sagði aðila vinnumarkaðarins sammála um að tvennt þurfi að gerast. Gera verði nýjan sáttmála um forsendur varanlegs stöðugleika í hagkerfinu, en þar að auki verði ríkið að axla sína ábyrgð á þróun efnahagsmála, jafnvel þótt það kunni að kosta vinsældir stjórnmálamanna og flokka til skemmri tíma. ,,Við hjá ASÍ erum tilbúin í þessa vinnu," sagði hann.

Hann sagði líka mikilvægt að fara í aðildarviðræður við ESB sem fyrst og að þjóðin yrði að fá að taka afstöðu til þess máls, en hann teldi sjálfur að þetta yrði mikilvægt skref í því að lækka matvælaverð, lækka vexti og verðbólgu og koma á stöðugleika í gengismálum.

Gylfi sagði einnig að þjóðin hefði verk að vinna. Framundan væri varnarbarátta verkalýðsins í því að verja árangurinn sem þegar hefur náðst og að sækja fram til að byggja réttlátt samfélag þar sem komið er fram við alla af sanngirni og virðingu. Mikilvægt væri að þjóðin stæði saman sem órofa heild, en í henni byggi kraftur, þrek og þor. Ef rétt væri haldið á málum gætu Íslendingar risið hratt aftur upp úr kreppunni, sterkari en nokkru sinni fyrr.

Hluti fundarmanna baulaði á Gylfa allan tímann á meðan hann talaði, gerði hróp og köll og barði í búsáhöld.