Ekkert búið fyrr en allt er búið

„Það hefur gengið mjög vel og sér til lands í flestum efnum, en það er ekki búið að ganga frá samkomulagi um neitt, fyrr en búið er að klára allt,“ sagði Steingrímur J. Sigfússon, formaður Vinstri-grænna, í samtali við blaðamann mbl.is í Alþingishúsinu nú í kvöld.

Ekkert virðist því vera í hendi um stjórnarmyndunina fyrr en búið er að fullmóta stjórnarsáttmálann og skrifa undir hann.

Jóhanna Sigurðardóttir var þar einnig en hún sagði að ekkert nýtt hafi komið upp á þingflokksfundum stjórnarflokkanna í dag, sem breyti því að ný stjórn verði kynnt um næstu helgi. Sagði hún að fundurinn Samfylkingarmegin hefði verið góð yfirferð yfir stöðuna, en að fátt standi nú út af borðinu.

Steingrímur mun funda með Jóhönnu og því sem kallað er ,,yfirstjórn viðræðna" í kvöld, þ.e. varaformönnum og aðstoðarmönnum formanna. Þar verður farið yfir það sem gerðist á þingflokksfundunum og svo verður fundað áfram á morgun.

• 8 blogg um fréttina

Bloggað um fréttina

• Haraldur Haraldsson: Ekkert búið nema allt sé búið/en það er ekki búið …
• Baldvin Jónsson: Um niðurstöður Seðlabanka Íslands um skuldir heimilanna - enn ein …
• Einar Guðjónsson: Handrukkarinn að fara á fullt
• Þorsteinn H. Gunnarsson: Eins og í fjárréttum
• Kristján Jóhannsson: Nú er mál að vakna!
• Þorkell Sigurjónsson: HÉR OG ÞAR OG ALLSSTAÐAR.
• Jón Rúnar Ipsen: Ekkert búið nema allt sé búið
• Rúnar Már Bragason: Er þá nokkur sannleikur fyrr en öll kurl hafa komið …