„Kom verulega á óvart“

„Það kom mér veru­lega á óvart hvað þetta er mikið,“ seg­ir Guðríður Arn­ar­dótt­ir, bæj­ar­full­trúi Sam­fylk­ing­ar­inn­ar í Kópa­vogi, varðandi upp­lýs­ing­ar sem bær­inn hef­ur tekið sam­an um viðskipti við fyr­ir­tæki dótt­ur bæj­ar­stjór­ans. Sam­fylk­ing­in óskaði eft­ir þess­um upp­lýs­ing­um á fundi bæj­ar­ráðs í dag.

„Við flett­um í gegn­um það sem ligg­ur fyr­ir. Þessi viðskipti nema tug­um millj­óna síðustu 10 árin,“ seg­ir Guðríður og bæt­ir við að gróft reiknað nemi þetta um 50 millj­ón­um kr.

Fyr­ir um mánuði síðan óskaði Sam­fylk­ing­in í Kópa­vogi eft­ir upp­lýs­ing­um um viðskipti bæj­ar­ins við fyr­ir­tækið Frjálsa miðlun, tíu ár aft­ur í tím­ann. Þá voru þær ekki til­bún­ar. 

„Við óskuðum á fund­in­um eft­ir því að fá þau gögn sem væri búið að taka sam­an, og vild­um fá það í dag. Við feng­um það ekki. En við feng­um að sjá þessi plögg sem liggja fyr­ir, en feng­um þau ekki af­hent,“ seg­ir Guðríður.

Aðspurð seg­ir hún að bæj­ar­yf­ir­völd hafi lofað að gögn­in muni liggja fyr­ir á fundi bæj­ar­ráðs í næstu viku. „Þá mun­um við fá af­hent gögn­in, list­ann yfir verk­in, upp­hæðirn­ar og árin sund­urliðað. Ásamt upp­lýs­ing­um um hvað af þess­um verk­um var boðið út,“ seg­ir hún. 

„Það kom mér á óvart hvað þetta er lang­ur listi og það kom mér á óvart hvað þetta eru háar upp­hæðir,“ seg­ir Guðríður og bæt­ir við: „Þessi verk eiga sér öll von­andi skýr­ing­ar.“

• 10 blogg um frétt­ina

Bloggað um frétt­ina

• Stefán Friðrik Stef­áns­son: Siðferðið í Kópa­vogi
• Ein­ar Guðjóns­son: Ó guð þetta er alltof mikið
• Sig­ríður Lauf­ey Ein­ars­dótt­ir: ''Hat­ursáróður á Gunn­ar Birg­is­son''
• Berg­ur Thor­berg: Góður við börn­in sín
• Kon­ráð Ragn­ars­son: Ég vil benda Guðríði á þá ein­földu staðreynd að það …
• Gísli Foster Hjart­ar­son: Gott að búa í Kópa­vogi
• Jó­hann­es Ragn­ars­son: Sjúk­legt einelti af geðkrabba­teg­und
• Magnús Helgi Björg­vins­son: Það væri kannski líka rétt að skoða viðskipti Kópa­vogs við …
• Hlé­dís: Fjár­glæfr­ar og sukk í skjóli FLokks­ins koma AL­DEIL­IS ekki á …
• Jenný Anna Bald­urs­dótt­ir: Undr­un Guðríðar