Kannabisræktun í Hafnarfirði

Lögreglan á höfuðborgarsvæðinu stöðvaði tvær kannabisræktanir í Hafnarfirði í gær. Alls lagði lögreglan hald á fjögur hundruð plöntur. Í báðum tilvikum var ræktunin í iðnaðarhúsnæði. Fjórir karlmenn voru handteknir í tengslum við málin.

Lögreglan á höfuðborgarsvæðinu stöðvaði kannabisræktun í iðnaðarhúsnæði í Hafnarfirði um kvöldmatarleytið í gær. Við húsleit á áðurnefndum stað fundust 170 kannabisplöntur á ýmsum stigum ræktunar. Tveir karlar, annar á þrítugsaldri en hinn á fertugsaldri, voru handteknir í tengslum við rannsókn málsins.

Fyrr um daginn stöðvaði lögreglan kannabisræktun í iðnaðarhúsnæði í Hafnarfirði. Við húsleit á áðurnefndum stað fundust 230 kannabisplöntur á ýmsum stigum ræktunar. Tveir karlar á þrítugsaldri voru handteknir í tengslum við rannsókn málsins. Við húsleitir á heimilum þeirra fannst talsvert af marijúana, samkvæmt upplýsingum frá lögreglu.

• 2 blogg um fréttina

Bloggað um fréttina

• Brosveitan - Pétur Reynisson: Sjónmengun inni á Google Earth!
• Anna Sigríður Guðmundsdóttir: Hvers vegna þarf fólk að deyfa sig með eitri? Hvað …