Grænmeti og ávextir lækka

Vöruverð hefur hækkað í nokkrum verslunum frá því í janúar en lækkað í öðrum samkvæmt verðkönnun, sem  ASÍ birti í dag. Verðið hækkaði mest um 3,6% í Kaskó og í Nóatúni um 3,1% en lækkaði um 2,6% í 10–11, um 1,7%  í Krónunni og 1,6% í Bónus.

Að sögn ASÍ hefur verð hækkað á hreinlætisvörum, drykkjarvörum og ýmsum nýlenduvörum en grænmeti, ávextir og mjólkurvörur lækkuðu á flestum stöðum.

Í lágvöruverðsverslunum hækkaði vörukarfan mest í Kaskó um 3,6% en lækkaði um 1,7% í Krónunni. ASÍ segir, að rekja megi hækkunina í Kaskó til hækkunar af kjötvörum, 12,1%, hækkunar á hreinlætis‐ og snyrtivörum, 8,4%og 5% hækkunar á drykkjarvörum.

Í Krónunni hækkuðu hreinlætis‐ og snyrtivörur um 10,5% og drykkjarvörur hækkuðu um 4,2% en kjötvörur lækkuðu um 9%.  Lækkun verðs í 10-11 skýrist að mestu af lækkun á grænmeti og ávöxtum (‐7,4%), drykkjavörum (‐5,1%) og kjötvörum (‐3,5%).

• 3 blogg um fréttina

Bloggað um fréttina

• Einar Guðjónsson: Eitt verð á mánudögum annað á fimmtudag og föstudag
• Ívar Andersen: Áframhaldandi vísitöluhækkanir.
• Úrsúla Jünemann: Gott mál