Síminn lækkar verð á útlandasímtölum

Síminn mun frá og með 1. júlí lækka verð á útlandasímtölum. Stærsta breytingin er sú, að mæling símtala verður breytt þannig að í upphafi símtals verða gjaldfærðar 30 sekúndur og síðan fyrir hverja sekúndu eftir það.

Nú er verðskrá útlandasímtala með þeim hætti, að í upphafi eru gjaldfærðar 60 sekúndur og fyrir hverjar 60 sekúndur eftir það.

Þá segir Síminn að nokkur lækkun verði á mínútugjaldi.  Þegar íslenskur notandi hringir í útlöndum fer gjaldið úr 0,46 í 0,43 evrur á mínútu og þegar tekið er við símtali í útlöndum fer gjaldið úr 0,22 evrum  í 0,19 evrur á mínútu.  

Verð á fjarskiptum innan Evrópusambandsins lækkar í þrepum ár hvert skv. reglugerð og mun gera það til ársins 2012. Er þessi lækkun nú í samræmi við sameignlegar reglur ESB og EES um þak á verðlagningu.

• 2 blogg um fréttina

Bloggað um fréttina

• Einar Guðjónsson: Á eftir að sjá það gerast
• Eiríkur Eiríksson: Þetta er nú eitthvað öfugsnúið - ókeypis auglýsing!