Koparlóð finnst við Þingvallakirkju

Margrét Hallmundsdóttir, fornleifafræðingur, fann koparlóð í gólflagi við stoðarstein vestan við Þingvallakirkju í morgun. Lóðið vegur 252 grömm og er með hanka til að hengja það upp í vigt.

Fram kemur á vef Þingvalla, að lóðið hafi væntanlega verið notað í viðskiptum í búð, sem þarna hafi verið. Öskulög bendi til þess að búðin sé eldri en 1500 en nánari aldursgreining á gjósku og gólflagi muni koma fram síðar. 

Næstu daga hefst jarðvinna við suðurhlið Þingvallakirkjunnar sem fer fram undir eftirliti fornleifafræðings. Vinna við stétt og tröppur að kirkjunni hefst næstu daga.

• 2 blogg um fréttina

Bloggað um fréttina

• Guðmundur Ásgeirsson: Lóðið vegur eina mörk
• Hvíti Riddarinn: Þarna erum við að tala um einn merkasta fund í …