Börðust við eld í Heiðmörk
Setja bókamerki
Slökkvilið höfuðborgarsvæðisins barðist nú undir kvöld í um einn og hálfan klukkutíma við gróðureld, sem kviknaði í Vífilsstaðahlíð í Heiðmörk. Þar hafði fólk verið að elda á einnota kolagrilli og virðist hafa skilið það eftir með þeim afleiðingum að eldur barst í sinu og um 400 fermetrar af gróðri brunnu.
Hópur manna, sem var í svonefndu fjallabruni á reiðhjólum, sá reyk stíga upp frá svæðinu. Þeir könnuðu málið, sáu eldinn og reyndu að slökkva hann. Einn þeirra, Eggert Ingólfsson, sagði að þeir hefðu reynt að hella vatni og gosi á eldinn og sprautað úr slökkvitæki, sem einn hafði meðferðis en ekkert gekk. Vegfarandi hringdi þá á slökkviliðið sem kom af vörmu spori.
Að sögn varðstjóra hjá slökkviliðinu voru sendir tveir bílar á staðinn, dælubíll og tankbíll. Talsverðan tíma tók að slökkva eldinn enda er sinan þurr og nokkur vindur var.
Alvarleg netárás á Wise
Var engin kristnitaka árið 1000?
Samfylking og Viðreisn gáfu loforð
Forstjóri bendir á ábyrgð birgja vegna verðhækkana
Lyklaskipti í ráðuneytunum
„Tímabil aukinnar eldvirkni“
Funda með þingflokkum
„Börn heima sem maður myndi vilja hafa í skjóli“
