Eignarhald 400 félaga óljóst

Ríkisskattstjóri, sem að undanförnu hefur unnið að því að afla upplýsinga um eignarhald á stærstu félögum í eigu Íslendinga, telur að  eignarhald minnst 400 félaga sem tengjast Íslendingum er óljóst. Þetta kom fram í fréttum RÚV.

Embætti ríkisskattstjóra er að kanna hvort eigendur stærstu félaga á Íslandi hafi komið sér undan skattgreiðslum. Til að hafa upp á þeim sem grunaðir eru um að hafa skotið undan skatti vinnur ríkisskattstjóri að því að hafa upp á raunverulegum eigendum ýmissa félaga sem skráð eru erlendis, yfirleitt í skattavinjum, en tengjast Íslendingum.

Fram kom í frétt RÚV að að ríkisskattstjóri hefði til að mynda leitað upplýsinga í lögbirtingablaðinu í Lúxemborg þar sem ýmsar upplýsingar má finna. Niðurstaða þessarar vinnu er sú að eignarhald minnst 400 félaga sem tengjast Íslendingum sé óljóst.