Stjórnvöld endurskoði ákvörðun um hvalveiðar
Eftir Jón Pétur Jónsson
Setja bókamerki
Á bilinu 15 til 20 manns frá fimm umhverfissamtökum mótmæltu hvalveiðum Íslendinga fyrir framan íslenska sendiráðið í London í dag. Sverrir Haukur Gunnlaugsson sendiherra bauð fulltrúum samtakanna inn á sinn fund þar sem hópurinn afhenti sendiherranum bréf þar sem andstöðu er lýst við veiðarnar. Sögðust þeir vonast til þess að íslensk stjórnvöld muni endurskoða ákvörðunina.
Sverrir útskýrði afstöðu íslenskra stjórnvalda og hlýddi á útskýringar mótmælendanna. „Þeir báru fyrir sig ýmsar skoðanakannanir í Bretlandi þar sem kæmi fram að breskur almenningur myndi vera mjög mótfallinn hvalveiðum okkar. Sömuleiðis myndu margir ekki vilja kaupa íslenskan fisk,“ segir Sverrir í samtali við mbl.is. Hann segir jafnframt að hann muni senda bréfið til íslenskra stjórnvalda í dag.
Mótmælin hafa farið friðsamlega fram en að sögn Sverris eru nú um 10 manns fyrir framan sendiráðið. Fólkið heldur á uppblásnu hvalalíki og þá er a.m.k. einn mótmælenda klæddur í hvalabúning.
Að mótmælunum stóðu samtökin Environmental Investigation Agency (EIA), International Fund for Animal Welfare (IFAW), Whale and Dolphin Conservation Society (WDCS) og World Society for the Protection of Animals (WSPA).
Myndir: Grindavíkurvegur aftur undir hraun
Líklega komin á seinni hluta hrinunnar í Svartsengi
Yfir 300 stæði fóru undir hraun
„Erum í miðri hrinu“: Styttist í Eldvörp
Maskína: Framsókn í fallbaráttu
Fullvissa ferðamenn um að hér sé öruggt
Virknin dregist saman um 600 metra
Litlar líkur á að hraunið nái til mannvirkja