Vilja gera úttekt á hraðakstri

Fulltrúar Samfylkingarinnar í borgarráði lögðu til á fundi ráðsins í dag, að gerð verði úttekt á hraðakstri og kappakstri í borgarlandinu og gerðar tillögur að úrbótum og frekari stefnumörkun borgarinnar um hraða umferðar innan borgarlandsins.

Er í tillögunni vísað til umferðaröryggisstefnu borgarinnar, m.a. með hliðsjón af slysum og slysablettum og reynslu af 30 kílómetra hverfum. Gert er ráð fyrir, að úttektin verði unnin í samráði við lögreglu, rannsóknarnefnd umferðarslysa og tryggingafélög, íbúa og aðra hagsmunaaðila, eftir atvikum.

• 1 blogg um fréttina

Bloggað um fréttina

• Hrappur Ófeigsson: LOKSINS LOKSINS ??