Fyrstu umræðu um ESB-tillögu lokið

Fyrstu umræðu um þingsályktunartillögu ríkisstjórnarinnar lauk á Alþingi í dag og fær utanríkismálanefnd þingsins hana til umfjöllunar. Eftir hádegishlé verður umræða um ESB-tillögu stjórnarandstöðuflokkanna.

Össur Skarphéðinsson, utanríkisráðherra, sagði í lok umræðunnar, að hann vildi að umsókn Íslendinga um aðild að Evrópusambandinu verði send í júlí þegar Svíar verða komnir með formennsku í sambandinu.

Lang farsælast væri fyrir Ísland að koma málinu fram það fljótt að Íslendingar geti falið Svíum að koma umsókninni gegnum ferlið sem gæti leitt til þess að Ísland yrði samþykkt sem umsóknarríki og aðildarviðræðurnar gætu hafist á næsta ári.

Þá sagðist Össur vilja að utanríkismálanefnd fjallaði um tillögur stjórnar og stjórnarandstöðu samhliða.  

• 6 blogg um fréttina

Bloggað um fréttina

• Axel Þór Kolbeinsson: Við þjóðaratkvæðagreiðslu skyldi horfa til sögunnar.
• Eggert Guðmundsson: ? hversu margar.
• Guðmundur Jónas Kristjánsson: Þörf á sterkri þjóðlegri andstöðu !!!
• Jakobína Ingunn Ólafsdóttir: Vilja að við borgum skuldir útrásarvíkinganna
• Haraldur Hansson: NÝIR DRAUGAR (tilbúnir 7. júní)
• Haraldur Haraldsson: Fyrstu umræðu um ESB-tillögu lokið/en tillaga mynnihlutans eftir ?????