Orð Dalai Lama hvetji kirkjuna

Karl Sigurbjörnsson, biskup Íslands, býr sig nú undir friðarstund með Dalai Lama á morgun. Hann ritar í dag pistil á vef kirkjunnar og vísar í orð Dalai Lama, sem hann segir hvatningu til kirkjunnar til að vera það sem hún segist vera. Dalai Lama hafi einnig hvatt Dani til að halda í kristnar hefðir.

Biskup vitnar í Dalai Lama um að gjá sé á milli hins kristna boðskapar og breytni hversdagslífsins í kristnum samfélögum. „Ef kristindómurinn á að verða trúverðugur þá verður hann að virka í hversdeginum með því að vera lifaður í kærleika, bræðralagi, umhyggju og sáttargjörð,“ segir Dalai Lama og bætir við: „Það sem ég tel að kristindómurinn geti kennt Búddismanum er ný sýn á þjáninguna. Það stendur í Biblíunni að slái einhver þig á hægri kinn skulir þú snúa hinni vinstri að honum. Að gera það er að hindra deilur í að vaxa og valda klofningi.“

Þessi orð segir Karl Sigurbjörnsson að ættu að vera hvatning til kirkjunnar að vera það sem hún segist vera.

Pistill séra Karls Sigurbjörnssonar biskups

• 3 blogg um fréttina

Bloggað um fréttina

• Haraldur Haraldsson: Orð Dalai Lama hvetji kirkjuna/Biskup Íslands,friðstund með trúarleitoganum
• Brjánn Guðjónsson: Ég reyni að halda niðri ælunni
• Anna Sigríður Guðmundsdóttir: Friðarleiðtogi fyrst og fremst!