Samtrúarleg friðarstund í dag
Dalai Lama kom til landsins í gærkvöldi og var stutt móttökuathöfn á Hilton hóteli.
mbl.is/Kristinn
Setja bókamerki
Samtrúarleg friðarstund verður í Hallgrímskirkju klukkan 15 í dag í boði biskups Íslands í tilefni af heimsókn Dalai Lama. Fulltrúar kristinna kirkna og annarra trúarbragða lesa texta úr helgiritum. Dalai Lama, sem kom til landsins í gærkvöldi, flytur stutt ávarp.
Þetta er í fyrsta skipti sem Dalai Lama, trúarleiðtogi Tíbeta, heimsækir Ísland en hann hefur heimsótt fjölda landa undanfarin 50 ár, ýmist sem gestur trúfélaga, ríkisstjórna eða í boði einkaaðila.
Dalai Lama mun einnig halda fyrirlestur í Laugardalshöll á morgun klukkan 15 þar sem hann fjallar um lífsgildi, viðhorf og leiðir til lífshamingju ásamt því að svara fyrirspurnum.
Félagið Dalai Lama á Íslandi stendur fyrir heimsókninni og hefur séð um allan undirbúning hennar.
„Óviðunandi eftirlit með börnum“
Beint: Ný ríkisstjórn á Bessastöðum
Ók á hóp fólks á jólamarkaði: Einn látinn
Stormur á Þorláksmessu en víðast hvar stefnir í hvít jól
„Börn heima sem maður myndi vilja hafa í skjóli“
Bein útsending: Ríkisstjórnarsamstarfið kynnt
„Mér finnst gamla Samfylkingin komin aftur“
Forstjóri bendir á ábyrgð birgja vegna verðhækkana
