Fullir með lambhúshettur og kúbein

Tveir menn voru handteknir aðfaranótt hvítasunnudags þar sem  þeir voru vopnaðir kúbeini að brjótast inn í fyrirtæki í Gagnheiði á Selfossi.  Annar mannanna hafði hulið andlit sitt með lambhúshettu. 

Þegar þeir urðu lögreglu varir lögðu þeir á flótta en lögreglumennirnir hlupu þá uppi.  Báðir voru mennirnir ölvaðir og voru látnir renna af sér í fangageymslu.  Þeir voru látnir lausir að loknum yfirheyrslum, að sögn lögreglunnar á Selfossi.

Sjö tilkynningar bárust í síðustu viku um innbrot í sumarbústaði og í eitt hjólhýsi í Grímsnes- og Grafningshreppi flest í Norðurkotslandi.  Í flestum tilvikum voru hurðar og gluggar spenntir upp og rótað í skápum og ýmsum munum stolið.  Ekki er vitað hverjir voru þarna að verki en hugsanlegt að sömu menn hafi þátt í flestum innbrotunum.

• 1 blogg um fréttina

Bloggað um fréttina

• Axel Jóhann Hallgrímsson: En hvað með kúbeinið..........