Innlent | mbl | 2.6.2009 | 18:15 | Uppfært 20:34

Óljósar fregnir af sendiherra

Mynd 1 af 17 Dalai Lama kemur til Hilton hótels á sunnudagskvöld. Kristinn Ingvarsson

Mynd 2 af 17 Látlaus móttökuathöfn fór fram. Kristinn Ingvarsson

Mynd 3 af 17 Látlaus móttökuathöfn fór fram. Kristinn Ingvarsson

Mynd 4 af 17 „Hér eru fjöllin eins og börn, mjög blíðleg – í Tíbet eru þau stórskorin!“ sagði Dalai Lama í samtali við Morgunblaðið. Kristinn Ingvarsson

Mynd 5 af 17 „Margt hefur breyst í Kína á 60 árum og nú held ég að stóra breytingin felist í því, að flokkur alþýðunnar er kommúnistaflokkur án kommúnískrar hugmyndafræði, í sósíalísku ríki án iðkunar sósíalisma.“ Kristinn Ingvarsson

Mynd 6 af 17 „Í grunninn er saga trúarbragðanna ólík og heimspekin sem býr að baki, en kjarni boðskaparins er sá sami: Fræði, umhyggja, fyrirgefning, umburðarlyndi og nægjusemi.“ Kristinn Ingvarsson

Mynd 7 af 17 Dalai Lama kemur í Hallgrímskirkju í boði biskups Íslands. Kristinn Ingvarsson

Mynd 8 af 17 Börnin vildu hitta Dalai Lama. Kristinn Ingvarsson

Mynd 9 af 17 Svandís Svavarsdóttir, umhverfisráðherra, heilsar Dalai Lama. Kristinn Ingvarsson

Mynd 10 af 17 Í Hallgrímskirkju voru fulltrúar trúarbragða á Íslandi. Kristinn Ingvarsson

Mynd 11 af 17 Mikið fjölmenni var í Hallgrímskirkju. Kristinn Ingvarsson

Mynd 12 af 17 Í Hallgrímskirkju voru fulltrúar trúarbragða á Íslandi. Kristinn Ingvarsson

Mynd 13 af 17 Í Hallgrímskirkju voru fulltrúar trúarbragða á Íslandi. Kristinn Ingvarsson

Mynd 14 af 17 Margir hlýddu á Dalai Lama í hátíðarsal Háskóla Íslands. Kristinn Ingvarsson

Mynd 15 af 17 Ráðherrar og þingmenn áttu fund með Dalai Lama á þriðjudag. Kristinn Ingvarsson

Mynd 16 af 17 Dalai Lama heimsótti Alþingishúsið þar sem Ásta Ragnheiður Jóhannesdóttir tók á móti honum. Kristinn Ingvarsson

Mynd 17 af 17 Fyrirlestur um frið. Kristinn Ingvarsson

Kínverska sendiráðið hefur ekki gefið út yfirlýsingu. mbl.is/Golli

„Ég hef heyrt þennan orðróm líka en get ekkert staðfest," sagði Urður Gunnarsdóttir fjölmiðlafulltrúi utanríkisráðuneytisins í samtali við mbl.is er hún var innt eftir því hvort rétt væri að kínverski sendiherrann á Íslandi hafi verið kallaður heim í mótmælaskyni.

Sendiherra Kína fór á fund í utanríkisráðuneytinu í morgun og kom á framfæri óánægju kínverskra yfirvalda með heimsókn Dalai Lama á Íslandi og fundum hans með íslenskum ráðamönnum. „Mér er ekki kunnugt um að á þeim fundi hafi komið fram neinar hótanir," sagði Urður sem tók fram að hún sat ekki fundinn en telur ekki að þar hafi komið fram hótanir þess efnis að sendiherrann yrði kallaður heim.

Í kvöldfréttum Rúv var skýrt frá því að sendiherrann hafi verið kallaður heim en ekki hefur verið unnt að ná tali af starfsfólki kínverska sendiráðsins til að fá þær fréttir staðfestar.

Urður sagðist ekki vita til þess að starfsmenn utanríkisráðuneytisins hafi haft samband við kínverska sendiherrann eftir fundinn í morgun í tengslum við þetta mál.

Í fréttatíma Stöðvar2 kom fram að kínverski sendiherrann hafi borið fregnir af brotthvarfi sínu til baka og lýst þær úr lausu lofti gripnar.