Rannsakar viðhorf til búsetu á landsbyggðinni

Tæplega tvö þúsund manns á tveimur mismunandi landsvæðum á Íslandi eru að fá í hendurnar bréf frá Rannsókna- og fræðasetri Háskóla Íslands á Vestfjörðum, þar sem þeir eru beðnir um að taka þátt í verkefni um viðhorf til búsetu á landsbyggðinni.

Könnunin er rannsóknarverkefni Albertínu Friðbjargar Elíasdóttur. Þau tvö landsvæði sem um ræðir eru þrjú sveitarfélög á norðanverðum Vestfjörðum annars vegar og þrjú sveitarfélög á Suðurlandi hins vegar. Framkvæmdin er þannig að bréf var sent út til þátttakenda en könnunin sjálf fer fram á netinu, þ.e. þátttakendur þurfa að fara inn á uppgefna netslóð og svara spurningalista þar.

Niðurstöðum rannsóknarinnar er ætlað að gefa innsýn í hvort munur sé á viðhorfum til búsetu á landsbyggðinni eftir því hvar fólk býr eða hvort viðhorfin séu óháð búsetu og stjórnist af öðrum þáttum. Þátttakendur leggja því sitt af mörkum til að skapa tækifæri til þessarar greiningar.

• 1 blogg um fréttina

Bloggað um fréttina

• Guðni Karl Harðarson: Eins og staðan er núna er útlitið ekki gott.