Ríkisbankarnir þurfa ekki að auglýsa lausar stöður

Nýju ríkisbankarnir þrír geta ráðið í laus störf án þess að auglýsa, jafnvel þótt þeir séu að fullu í eigu íslenska ríkisins og þar með skattgreiðenda. Í síðustu viku var Ari Skúlason ráðinn framkvæmdastjóri Landsvaka, sem rekur peningamarkaðssjóði Landsbankans, en hann var ráðinn í stöðuna án undanfarandi auglýsingar. Bankarnir þurfa ekki að auglýsa laus störf því um hlutafélög og einkaréttarleg félög gilda almennt ekki hefðbundnar reglur stjórnsýsluréttar, jafnvel þótt þau séu í ríkiseigu.