Lögreglan leitar síbrotamanna

Ábending frá almenningi leiddi til þess að lögreglan fann Audi Q7 jeppa sem innbrotsþjófar stálu í Hafnarfirði í nótt. Eigandi bílsins, Sigurður Freyr Árnason segir að lögreglan leiti nú að fingraförum í bílnum.

„Bíllinn fannst í Efstasundi fyrir klukkustund og hefur lögreglan ákveðna síbrotamenn í huga sem hún leitar að núna" sagði Sigurður Freyr.

Hann segir að svona innbrot hafi áhrif á líf manns. „Nú verður þjófavarnakerfið sett á á nóttunni og við erum búin að skipta um alla lása," sagði hann og þakkaði fyrir að hafa ekki farið verr út úr samskiptum sínum við þjófana.

Sigurður Freyr vildi koma á framfæri þökkum til allra sem hringdu inn ábendingar.  „Á þessu litla landi erum við ennþá að vinna vel saman," sagði hann að lokum.

• 1 blogg um fréttina

Bloggað um fréttina

• Einar Guðjónsson: Leggjum á minnið það óvenjulega í götunni