„Allir þurfa að standa saman“

„Þetta er eitt­hvað sem við höf­um ekki þurft að horf­ast í augu við,“ seg­ir Vil­hjálm­ur Eg­ils­son, fram­kvæmda­stjóri Sam­taka at­vinnu­lífs­ins, um stöðu rík­is­fjár­mála. Full­trú­ar SA og ASÍ funduðu í dag um stöðu efna­hags­mála í Karp­hús­inu og þá hafa stíf fund­ar­höld verið í fjár­málaráðuneyt­inu.

„Til þess að ná þessu þá þurfa all­ir að standa sam­an. All­ir sem hafa ein­hvern snef­il af ábyrgð í sam­fé­lag­inu,“ seg­ir Vil­hjálm­ur í sam­tali við mbl.is og vís­ar til þess að stjórn­völd hygg­ist ná fram 150 millj­arða kr. sparnaði í rík­is­fjár­mál­um á næstu þrem­ur árum.

Aðspurður seg­ir Vil­hjálm­ur að menn séu að reyna sitt besta. „Menn eru að reyna að átta sig á því hvað þetta er mikið verk­efni. Rík­is­stjórn­in hef­ur að sjálf­sögðu frum­kvæði og for­ystu í þessu öllu sam­an. Enda er það hún sem ber ábyrgðina.“

Vil­hjálm­ur seg­ir að heild­ar­mynd­in sé smátt og smátt að skýr­ast. Hvað menn geti gert á þessu ári og þau næstu. Frek­ari fund­ar­höld eru fyr­ir­huguð á morg­un. 

Hann seg­ir viðræðurn­ar skipt­ast í tvennt, þ.e. um­fjöll­un um efna­hags- og at­vinnu­mál­in ann­ars veg­ar og rík­is­fjár­mál­in hins veg­ar. 

Stjórn­völd hyggj­ast greina frá því á þing­inu á föstu­dag hvað eigi að gera á þessu ári. Svo hyggst rík­is­stjórn­in greina frá því 20. júní nk. hvernig staðan líti út fyr­ir næstu tvö ár á eft­ir. Þá muni liggja fyr­ir hvað skatt­ar verði hækkaðir mikið og hvar verði skorið niður í rík­is­út­gjöld­um. 

„Þetta eru svo svaka­leg­ar töl­ur að það er ekki hægt að gera það nema að það komi allsstaðar niður,“ seg­ir Vil­hjálm­ur og bæt­ir við að mynd­in sé að skýr­ast dag frá degi.

• 15 blogg um frétt­ina

Bloggað um frétt­ina

• Reyn­ir Jó­hann­es­son: Stönd­um sam­an!
• Páll Vil­hjálms­son: Standa sam­an já, en um hvað?
• Guðrún María Óskars­dótt­ir.: Þessi var góður... SA, ætti að ganga í ASÍ, og …
• Hall­ur Magnús­son: Sam­vinna er það sem við þurf­um
• Jenný Anna Bald­urs­dótt­ir: Komm­inn ég!
• Björn Grét­ar Sveins­son: um hvað eiga all­ir að standa sam­an?
• Bald­ur Gaut­ur Bald­urs­son: Hlaupastrák­ur fram­rás­ar­manna viður­kenn­ir
• Axel Þór Kol­beins­son: Samstaða eft­ir henti­semi SA og fleiri skammstaf­anna
• Þórður Björn Sig­urðsson: „Ef vér slít­um í sund­ur lög­in, slít­um vér og í …
• Héðinn Björns­son: Stönd­um sam­an sagði ref­ur­inn við hæn­una...
• Ólína Kjer­úlf Þor­varðardótt­ir: Rétt­mæt ábend­ing
• Björn Heiðdal: Vil­hjálm­ur fær sér kaffi­bolla.
• Jón Aðal­steinn Jóns­son: All­ir sam­an nú
• Magnús Helgi Björg­vins­son: Vil­hjálm­ur! Vax­andi hreyf­ing hér á landi sem vill bara alls …
• Ómar Geirs­son: Kjarni máls­ins "All­ir þurfa að standa sam­an".