Hrekkur ekki fyrir skuldum
Setja bókamerki
Mótmælendur hentu smápeningum í Alþingi, sprengdu kínverja og börðu í búsáhöld meðan Steingrímur J. Sigfússon flutti Alþingi skýrslu um Icesavesamkomulagið í dag. Arnar Rúnar Marteinsson aðalvarðstjóri sagði að peningum hefði rignt niður en þeir færu þó skammt með að hrökkva upp í skuldir vegna Icesave.
Um fjögur hundruð mótmæltu þegar mest var. Fimm voru handteknir en mótmælin voru þó að mestu friðsamleg. Margt fólk var í uppnámi vegna samningsins og sagði framtíð barna sinna og barnabarna stefnt í hættu. Einn viðmælandi mbl beygði af þegar hann lýsti tilfinningum sínum.
Steingrímur J. sagði niðurstöðuna betri en á horfðist þegar núverandi stjórnvöld komu að málinu. Hún væri hinsvegar ekki góð, það gæti aldrei orðið ánægjulegt að standa að niðurstöðu í þessu máli. En núverandi stjórnvöld hefðu fært það um langan veg til góðs frá því að þau tóku við því. Í þeim skilningi væri niðurstaðan glæsileg.
Hraunið náð Njarðvíkuræð: Fylgjast með raflínu
Maskína: Framsókn í fallbaráttu
Ástæða til að ætla að eldgosahrinu fari að ljúka
„Má segja að þetta gos hafi þjófstartað“
Úlfar: Heppileg tímasetning á gosinu
Búseta skortir byggingarlóðir
Myndir: Grindavíkurvegur aftur undir hraun