Skeljungur hækkar á ný

Skeljungur hefur hækkað eldsneytisverð á ný eftir að hafa lækkað það í byrjun vikunnar þegar í ljós kom að 12,50 króna hækkun um mánaðamótin byggði ekki á réttum forsendum. 

Félagið hefur nú hækkað verð á bensínlítranum um 6 krónur í 174,80 krónur og verð á dísilolíulítra um 4 krónur í 175,70. Segir Skeljungur á heimasíðu sinni að  þessi hækkun hafi verið óhjákvæmileg sökum veikrar stöðu íslensku krónunnar og ört hækkandi eldsneytisverðs á heimsmarkaði.  Hækkunin hafi verið dregin á langinn eins og unnt var.

Hækkun bensíngjaldsins um 10 krónur á samkvæmt þessu enn eftir að koma fram í bensínverðinu.

• 4 blogg um fréttina

Bloggað um fréttina

• Andri Geir Arinbjarnarson: Bensínverð enn lægst hér á landi
• Njörður Helgason: Byrjunin.
• Arnar Bergur Guðjónsson: Skeljungur og hin Olíufélögin...
• Jón Aðalsteinn Jónsson: Stutt stóð það ?