Rætt um 8% aukaskatt
Setja bókamerki
Steingrímur J. Sigfússon fjármálaráðherra sagði í fréttum Sjónvarpsins í kvöld að hann eigi ekki von á að niðurstaða liggi fyrir um ráðstafanir í ríkisfjármálum fyrir árið 2009 fyrr en undir lok næstu viku.
Fram kom í fréttum Sjónvarps að aðgerðir til þriggja ára væru nú til umræðu og að á meðal þeirra væri hugmynd um að leggja 8% aukaskatt á mánaðartekjur yfir 700.000 krónum.
Til stóð að fjármálaráðherra legði fram frumvarp (svokallaðan bandorm) um fyrstu aðgerðir á Alþingi eftir helgi. Þá stóð að áætlun um aðgerðir til lengri tíma yrði svo lögð fram í kringum 20. júní. Jóhanna Sigurðardóttir forsætisráðherra staðfesti hins vegar við fréttmenn í dag að ákveðið hefði verið að flétta þetta betur saman.
Ríkisstjórnin átti tvo fundi í dag en á milli þeirra funduðu forsvarsmenn stjórnarflokkanna með þeim aðilum atvinnulífsins sem eiga aðild að viðræðum um svonefndan stöðugleikasáttmála.
Ekki vandamál að vera karlmaður
Flestir sem hvergi finnast koma frá Sómalíu
Rússar sagðir útvega N-Kóreu milljón olíutunnur
Ása Ellerup flutt út og ætlar að selja húsið
Dregið úr gosóróa
Hópur fólks reyndi að komast að eldgosinu
Pútín reynir allt til að forðast aðra herkvaðningu