Laugavegurinn verði göngugata í góðu veðri

Hjá Reykja­vík­ur­borg eru nú uppi hug­mynd­ir um að loka Lauga­veg­in­um fyr­ir um­ferð far­ar­tækja og gera hann að göngu­götu þegar vel viðrar í sum­ar. Í skoðun er að strætó fari upp og niður Hverf­is­göt­una þá daga sem gat­an er lokuð bíl­um.

Á fundi Um­hverf­is- og sam­göngu­sviðs í síðustu viku var samþykkt að leita sam­starfs við versl­un­ar­eig­end­ur við Lauga­veg um að loka göt­unni fyr­ir bílaum­ferð á góðviðris­dög­um. Er ætl­un­in að þetta sé í til­rauna­skyni og ár­ang­ur met­inn síðar.

Þá vill sviðið kanna mögu­leik­ann á sér­stök­um góðviðris­strætó sem gangi upp og niður Hverf­is­göt­una á meðan á lok­un stend­ur. Þannig sé komið til móts við þá sem eiga erfitt með að ferðast gang­andi.

Um­hverf­is og sam­göngu­svið mun vinna til­lög­una í sam­ráði við Menn­ing­ar- og ferðamála­svið, sem og kaup­menn á svæðinu.

• 5 blogg um frétt­ina

Bloggað um frétt­ina

• Jón Snæ­björns­son: Laug­ar­veg­ur fólksvang­ur (verzl­un­ar­fólksvang­ur) suma daga, því ekki
• Elín Sig­urðardótt­ir: Frá­bær hug­mynd
• Morten Lange: Frá­bær hug­mynd. Hef­ur svin­virkað er­lend­is.
• Jakob Falur Krist­ins­son: Lauga­veg­ur
• Frjáls­hyggju­fé­lagið: Versl­un­inni rústað