Kanna kosti og galla golfvallar í Viðey

Til umfjöllunar er hjá Reykjavíkurborg tillaga borgarfulltrúa Sjálfstæðisflokks og Framsóknarflokks um golfvöll í Viðey. Íþrótta- og tómstundaráð samþykkti á fundi í síðasta mánuði að beina því til umhverfis- og samgönguráðs, menningar- og ferðamálaráðs og skipulagsráðs Reykjavíkur að kanna kosti og galla lagningar golfvallar í Viðey. Málinu var frestað á fundi borgarráðs í gær.

Edwin Rögnvaldsson golfvallahönnuður hefur kynnt hugmyndir um golfvöll í Viðey og að við það verk verði notað handafl og hestar.