Veiðimenn hvattir til að sleppa stórlaxi

Landssamband veiðifélaga (LV) hvetur veiðifélög og leigutaka til sameiginlegs átaks um að veiðimenn sleppi stórlaxi og að settar verði fortakslausar reglur þar að lútandi.

Ályktun þessa efnis var samþykkt á aðalfundi LV. Þar segir að stofn stórlaxa sé enn í sögulegu lágmarki og hætta sé á að stórlaxinn hverfi að óbreyttu alveg úr ám þar sem honum er ekki hlíft við veiði.

Á aðalfundinum var einnig samþykkt, að vara við stórfelldum áformum um sjókvíaeldi á norskættuðum laxi í Dýrafirði og átelja þá ákvörðun Skipulagsstofnunar að undanþiggja eldið umhverfismati þar sem um væri að ræða erlendan, innfluttan laxastofn. Stjórn LV var falið kæra ákvörðun Skipulagsstofnunar til umhverfisráðherra.

• 1 blogg um fréttina

Bloggað um fréttina

• Bjarni Líndal Gestsson: Veiðimenn hvattir til að sleppa stórlaxi.