Eldur kviknaði í skála

Hjálparsveit skáta í Hveragerði var kölluð út á tólfta tímanum í kvöld þegar tilkynnt var um eld í skála í Reykjadal. Í skálanum voru níu ungmenni sem öll björguðust út úr skálanum.

Samkvæmt upplýsingum Slysavarnafélagsins Landsbjargar fóru tveir bílar og tvö sexhjól hjálparsveitar skáta í Hveragerði uppeftir til að aðstoða ungmennin til byggða.

Slökkviliðið í Hveragerði er líka á staðnum en erfiðlega mun ganga að slökkva eldinn vegna fjarlægðar skálans frá vegi en hann er tæpan kílómetra frá næsta vegi.

• 1 blogg um fréttina

Bloggað um fréttina

• Helga R. Einarsdóttir: Þessi Reykjadalur er í Hrunamannahreppi