Bíður yfirheyrslu hjá lögreglu
Setja bókamerki
Maður, sem olli stórtjóni á útkeyrsluhurðum hjá Slökkvistöð höfuðborgarsvæðisins í Skógarhlíð og nokkrum bílum í gærkvöldi, er enn í haldi lögreglu þar sem yfirheyrslur munu fara fram yfir honum í dag.
Maðurinn reyndi m.a. að aka inn í samskiptamiðstöð lögreglunnar við Skógarhlíð og ók síðan á miklum hraða eftir Bústaðavegi. Þar reyndi sjúkrabíll að stöðva manninn en tókst það ekki. Maðurinn ók að lögreglustöðinni við Hverfisgötu þar sem lögreglubíll ók á bíl hans og stöðvaði hann þannig. Maðurinn hafði þá ekið á einn bíl á leiðinni.
Jón Viðar Matthíasson slökkviliðsstjóri sagðist í gærkvöldi engar skýringar hafa á hegðun mannsins en að ljóst væri að hann hefði verið mjög einbeittur í því að vinna skemmdir á slökkvistöðinni. Hann hefði m.a. ekið ítrekað á sex hurðir slökkvistöðvarinnar.
Aðrar stöðvar í Reykjavík voru virkjaðar í gærkvöldi vegna málsins og var ekki talið að hættuástandi myndi skapast þó brunaboð bærust áður en bráðabrigðaviðgerð á hurðunum yrði lokið. Fjárhagslegt tjón vegna aðgerða mannsins hefur ekki verið metið.
Lát hjóna í Neskaupstað: Ákæra gefin út
„Börn heima sem maður myndi vilja hafa í skjóli“
Kristrún Frostadóttir verður forsætisráðherra
Samfylking og Viðreisn gáfu loforð
Forstjóri bendir á ábyrgð birgja vegna verðhækkana
Stóðu skógarþjófa að verki
Nágrannaþjóðir upplýstar en við vöðum í blindni
Stormur á Þorláksmessu en víðast hvar stefnir í hvít jól
