Ekki krafa um þjóðnýtingu lífeyrissjóða
Setja bókamerki
Steingrímur J. Sigfússon, fjármálaráðherra, sagði á Alþingi í dag að hann hefði ekki séð stafkrók um það í neinum plöggum, að Alþjóðagjaldeyrissjóðurinn geri kröfu um þjóðnýtingu lífeyrissjóðanna.
Rætt var um stöðu lífeyrissjóðanna utan dagskrár á Alþingi að ósk Vigdísar Hauksdóttur, þingmanns Framsóknarflokksins. Hún spurði Steingrím m.a. hvort Alþjóðagjaldeyrissjóðurinn hafi farið fram á að eignir lífeyrissjóðanna yrðu þjóðnýttar.
„Nei, ekki er mér kunnugt um það. Ég hef aldrei heyrt það nefnt og það hefur aldrei borið á góma í mínum samskiptum við Alþjóðagjaldeyrissjóðinn og ég hef aldrei séð stafkrók um það í neinum plöggum sem snúast um samskipti við hann.
Ég held að það sé því algerlega ástæðulaust að hafa af því áhyggjur. Þvert á móti býður mér svo í grun, að Alþjóðagjaldeyrissjóðurinn meti einmitt styrk íslenska lífeyriskerfisins og sérstaklega vænt tekjustreymi ríkis- og sveitarfélaga með vaxandi útgreiðslum séreignarsparnaðar á komandi árum sem eina okkar styrkustu stoð til að ráða við efnahagsáfallið og skuldirnar sem nú lenda á ríkissjóði og sveitarfélögum," sagði Steingrímur.
Bjarni: „Útilokað að þetta geti gengið upp“
Segir að verið sé að svindla á Bandaríkjunum
Fyrsti blaðamannafundurinn í heild sinni
„Tímabil aukinnar eldvirkni“
„Aðstæður í stjórnmálum geta breyst á einni nóttu“
Þetta eru ráðherrar ríkisstjórnarinnar
Lyklaskipti í ráðuneytunum
Alvarleg netárás á Wise