Samstarfið heldur í Kópavogi

Framsóknarmenn í Kópavogi hafa samþykkt að samstarfi við Sjálfstæðisflokkinn skuli haldið áfram að því gefnu að Gunnar Birgisson segi af  sér störfum og sjálfstæðismenn nefni nýjan bæjarstjóra úr hópi bæjarfulltrúa. Kjósi Gunnar að koma aftur krefjast framsóknarmenn þess að samið verði að nýju um samstarf flokkanna.

Mikil átök voru á fundi fulltrúaráðs framsóknarmanna í Kópavogi en þar var felld með 7 atkvæða mun tillaga frá fulltrúum Freyju, félagi framsóknarkvenna í Kópavogi um að slíta alfarið samstarfi við Sjálfstæðisflokkinn. Í tillögunni segir, að Freyjukonur treysti því ekki að bæjarstjórinn komi ekki til starfa aftur nema tillagan verði samþykkt.

Á sínum fundi samþykktu sjálfstæðismenn tillögu Gunnars I. Birgissonar, fráfarandi bæjarstjóra, um að Gunnsteinn Sigurðsson, bæjarfulltrúi og annar maður á lista flokksins, setjist í bæjarstjórastólinn í stað Gunnars.

• 9 blogg um fréttina

Bloggað um fréttina

• Björn Finnbogason: Þetta heitir að standa í lappirnar!
• Sigurjón Þórðarson: Seiðið Gunnar Birgisson
• Bergur Thorberg: Stjúpid mí
• Ingimar Eggertsson: Til hamingju gott að Vg og Samfylkingin komst ekki að........
• Magnús Helgi Björgvinsson: Er það bara ég - eða finnst fleirum þetta ódýr …
• Stefán Friðrik Stefánsson: Gunnsteinn bæjarstjóri - góð niðurstaða í Kópavogi
• Einar Guðjónsson: Engin vill missa af Spillingunni.
• Gunnar Gunnarsson: Bezta lausn úr því sem komið var
• Jón Ingi Cæsarsson: Framsókn klikkar ekki.