Einar Karl tímabundið í forsætisráðuneytinu
Setja bókamerki
Einar Karl Haraldsson, fyrrverandi aðstoðarmaður iðnaðarráðherra, hóf í vikunni störf í forsætisráðuneytinu.
„Hann er hér tímabundið að aðstoða við ýmis mál, meðan hann er á biðlaunum,“ sagði Hrannar Björn Arnarson, aðstoðarmaður Jóhönnu Sigurðardóttur forsætisráðherra við Fréttavef Morgunblaðsins. Ekki er ljóst hve lengi Einar Karl verður við störf í forsætisráðuneytinu, líklega í nokkrar vikur.
Hann var í vor ráðinn til Landspítalans og hefur störf 1. september næstkomandi. Þar mun hann móta og festa í sessi nýtt vinnulag á sviði almannatengsla í samvinnu við forstjóra, framkvæmdastjórn, deildarstjóra kynningarmála og aðra stjórnendur og starfsmenn spítalans.
Einar Karl á að baki langan feril sem ritstjóri fjölmiðla og ráðgjafi í almannatengslum fyrir félaga- og stjórnmálasamtök, opinbera aðila og fyrirtæki.
Dómur þyngdur um þrjú ár
Sólveig Anna furðar sig á aðferðum kennara
Hótar Bretum og Bandaríkjamönnum
Hraun kemur úr þremur gígum: Virknin stöðug
Viðræður ekkert þokast frá því á þriðjudag
Litlar líkur á að hraunið nái til mannvirkja
Þarf að koma til móts við ólíkar þarfir lækna
Rússar sagðir útvega N-Kóreu milljón olíutunnur