Fyrrum fjármálastjóri dæmdur fyrir fjárdrátt

Fyrrum fjármálastjóri Garðabæjar hefur verið dæmdur í 6 mánaða skilorðsbundið fangelsi fyrir fjárdrátt en maðurinn dró sér rúmar 9,2 milljónir króna af bankareikningum bæjarfélagsins á tímabilinu frá desember 2007 fram í júlí 2008.

Fram kemur í dómnum, að maðurinn hafi skýlaust játað brotin.  Við ákvörðun refsingar leit dómurinn  til þess að maðurinn var opinber starfsmaður en á móti kom, að hann gerði enga tilraun til að leyna fjárdrættinum, játað broti og látið af störfum vegna þess. Þá endurgreiddi hann féð að öllu leyti skömmu eftir starfslok.