Björgunarsveitir til taks á hálendinu

Fjórar björgunarsveitir Slysavarnafélagsins Landsbjargar halda í dag upp á hálendið og verða sveitir þar næstu sex vikurnar eða til 9. ágúst ferðamönnum til aðstoðar og leiðbeininga.

Er þetta fjórða sumarið í röð, sem Landsbjörg verður með viðbúnað á hálendinu og verða björgunarsveitirnar með aðsetur í Öskju, Nýjadal, Landmannalaugum og á Hveravöllum.

Björgunarsveitirnar  Strákar Siglufirði, Skagfirðingasveit og Flugbjörgunarsveitin í Reykjavík ríða á vaðið og taka gæsluna fyrstu viku verkefnisins en a.m.k. fyrstu vikuna er Sprengisandsleið lokuð þar sem enn er mikil bleyta í veginum þar.

Á hverju ári verða mörg slys á hálendi Íslands sem m.a. má rekja til vanþekkingar og vanbúnaðar þeirra sem um hálendið fara.

• 1 blogg um fréttina

Bloggað um fréttina

• Pétur Ásbjörnsson: Ánægulegt að það sé ekki búið skera þetta niður.