60-70 milljarða árleg greiðsla

Fjár­laga­skrif­stofa fjár­málaráðuneyt­is­ins áætl­ar, að greiðslur úr rík­is­sjóði vegna rík­is­ábyrgðar á Ices­a­ve-skuld­bind­ing­um gætu orðið á bil­inu 60–70 millj­arðar kr. ár­lega á ára­bil­inu 2017 til 2023, en helm­ing­ur þeirr­ar upp­hæðar árin 2016 og 2024.

Heild­ar­skuld­bind­ing­in sam­kvæmt samn­ing­un­um er um 705 millj­arðar króna miðað við nú­ver­andi gengi krón­unn­ar, sem er um 49% af vergri lands­fram­leiðslu  árið 2009.

Fram til 2016 munu eign­ir úr þrota­búi Lands­bank­ans greiðast inn á höfuðstól láns­ins og ræðst það af greiðslum úr þrota­bú­inu hversu hátt lán Trygg­ing­ar­sjóðs inni­stæðueig­enda verður.

Reiknað hef­ur verið út að ef 60% af eign­um Lands­bank­ans end­ur­heimt­ast yrði skuld­bind­ing ís­lenska rík­is­ins 521 millj­arður króna eða 26% af vergri lands­fram­leiðslu árið 2016 og 309 millj­arðar eða 15% af lands­fram­leiðslu miðað við 90% end­ur­heimt­ur á for­gangs­kröf­um.

Ef gert ráð fyr­ir að meðaltal þess­ara for­sendna um end­ur­heimt­ur for­gangs­kröfu­hafa komi til eða að 75% af kröf­um end­ur­heimt­ist gætu um 415 millj­arðar króna fallið á rík­is­sjóð vegna skuld­bind­inga Trygg­ing­ar­sjóðsins eða um 21% af vergri lands­fram­leiðslu árið 2016. Þessi fjár­hæð kæmi til greiðslu í 32 greiðslum á átta árum ásamt ár­leg­um 5,55% vöxt­um. Árleg greiðsla af höfuðstól yrði þannig um 50 millj­arðar króna og vaxta­greiðslur fallandi frá 22 millj­örðum króna.

Frum­varpið í heild

• 14 blogg um frétt­ina

Bloggað um frétt­ina

• Sig­urður Þor­steins­son: Ég er þjóðin
• Þór­hall­ur Kristjáns­son: Hvernig get­um við greitt öll gjald­eyr­is­lán­in ?
• Njörður Helga­son: Fáum við aft­ur flelsi????
• Bryn­dís Krist­ín Þrá­insd. Williams: Ég á bara til þrjú orð...mér er óglatt
• Jó­hann Elías­son: Og halda menn virki­lega að Ísland ráði við þetta??????
• Bene­dikta E: Rík­is­stjórn sem geng­ur fram í því að leggja slík­ar álög­ur …
• Ómar Geirs­son: Landráðasnatar.
• Sif Jóns­dótt­ir: Millj­arða skuld­bind­ing­ar
• Björn Heiðdal: Bret­ar skeina sér fyr­ir hærri upp­hæðir!
• Hauk­ur Bauk­ur: Eins og í sögu
• Þórkatla Snæ­björns­dótt­ir: Spill­ing­in og súkkulaðið.......
• Ein­hver Ágúst: Anda inn, vá mig svim­ar bara
• gummih: Fyrsta greiðsla þriðjung­ur af gjald­eyris­tekj­um árs­ins?
• Ein­ar B Braga­son : En heyk­ist rík­is­stjórn Jó­hönnu Sig­urðardótt­ur á ósann­sögli ! Stein­grím­ur sel­ur …