Fjarskiptafyrirtækin fóru of geyst
Setja bókamerki
„Eignarhaldsfélög íslensku fjarskiptafélaganna hafa, eins og mörg sambærileg félög, farið geyst í fjárfestingum og lántökum. Slíkt leggur þungar byrgðar á herðar þeirra nú. Ljóst er að fjarskiptafélögin sinna grunnþjónustu í þjóðfélaginu og rekstur þessara fyrirtækja verður að vera með þeim hætti að ekki sé hætta á truflunum eða stöðvun,“ segir Hrafnkell V. Gíslason, forstjóri Póst- og fjarskiptastofnunar í ársskýrslu stofnunarinnar.
Forstjóri PFS segir í ársskýrslu stofnunarinnar fyrir 2008 að í upphafi kreppunnar hafi helstu fjarskiptafélög verið boðuð til fundar hjá stofnuninni til að tryggja að engin truflun eða rof yrðu á fjarskiptum. Undirbúningur neyðaráætlana hafði hafist nokkru áður í framhaldi af setningu reglna um vernd og virkni fjarskiptaþjónustu. Lokið var við þessar áætlanir á skömmum tíma.
Einnig var tryggt að fjarskiptafélögin fengju nauðsynlega fyrirgreiðslu í bankakerfinu varðandi erlend viðskipti til að tryggja að erlendir birgjar og samstarfsaðilar hefðu áfram fullt traust á íslensku fjarskiptafélögunum. Hrafnkell V. Gíslason, forstjóri PFS segir að engar truflanir hafi orðið á rekstri fjarskiptafélaganna sökum kreppunnar svo vitað sé.
Alvarleg netárás á Wise
„Börn heima sem maður myndi vilja hafa í skjóli“
Bjarni: „Útilokað að þetta geti gengið upp“
„Mér finnst gamla Samfylkingin komin aftur“
Beint: Ný ríkisstjórn tekin við völdum
