Með soninn í „kerru“
Setja bókamerki
Undarleg sjón blasti við bæjarbúum í miðbæ Ísafjarðar í gær þegar 105 ára gömul móðir ýtti sextugum syni sínum um bæinn í „kerru“. Þar voru á ferðinni elsti Íslendingurinn, Torfhildur Torfadóttir og Torfi Einarsson sonur hennar. Þetta kemur fram á fréttavefnum BB.
Mæðginin brugðu með þessum hætti á leik fyrir ljósmyndara BB þar sem þau voru á göngu en yfirleitt gengur Torfhildur með tóman stólinn.
„Mömmu fannst þetta uppátæki svo sniðugt að hún skellihló og ýtti mér þarna um í hjólastólnum hennar“, segir Torfi.
„Hún fer enn í göngutúra en hún er farin að sjá svo illa. Þess vegna er svo gott fyrir hana að hafa hjólastólinn því hún getur stutt sig við hann á göngunni og sest svo í hann á milli til þess að hvíla sig."
Torfhildur hefur verið þekkt fyrir mikla hreysti þrátt fyrir háan aldur og var m.a. reglulegur þátttakandi í kvennahlaupi Sjóvár þar til nú í ár.
Úlfar: Heppileg tímasetning á gosinu
Börn hafi engan rétt á leikskólakennslu
Hraun fór yfir Grindavíkurveg
Drónamyndskeið frá hápunkti gossins í nótt
Búseta skortir byggingarlóðir
Litlar líkur á að hraunið nái til mannvirkja
Hraunið náð Njarðvíkuræð: Fylgjast með raflínu