Mjólkurlítrinn hækkar um 10 krónur 1. ágúst

Heildsöluverð nýmjólkur hækkar um rúmar átta krónur fyrsta ágúst næstkomandi eða um 9%, samkvæmt ákvörðun verðlagsnefndar búvara. Verð mjólkurvara hækkar að meðaltali um 3,47% um næstu mánaðamót.

Verðlagsnefnd búvara hefur tekið sameiginlega ákvörðun um að heildsöluverð á mjólk og mjólkurafurðum, sem nefndin verðleggur, taki breytingum 1. ágúst n.k.

Verð mjólkurvara mun taka mismiklum breytingum en hækkar að meðaltali um 3,47%.

Heildsöluverð nýmjólkur mun hækka um rúmar 8 krónur hver lítri eða 9%. Minni verðhækkun verður á léttmjólk eða um 4,6%. Heildsöluverð á rjóma mun lækka um 0,7%. Heildsöluverð á mjólkurdufti til iðnaðar hækkar um 13,5%.

Verðlagsnefndin telur að við þessa breytingu megi gera ráð fyrir einn lítri af nýmjólk hækki í smásölu um tíu krónur, en álagning smásala á mjólkurvörum er frjáls.

Ástæður þessara verðhækkana eru einkum hækkanir á aðföngum og öðrum rekstrarkostnaði í mjólkuriðnaði. Verð til bænda hækkar ekki.

• 7 blogg um fréttina

Bloggað um fréttina

• Einar Guðjónsson: Lánin hjá VG banka hækka
• Sigurður Gunnarsson: Landflóttahvati !!
• Sigurður Jónsson: Flokkast mjólk sem munaðarvara?
• Birgit Raschhofer: DRULLIST TIL AÐ TAKA VERÐTRYGGINGUNA AF!!!!!!
• Finnur Bárðarson: Aukinn rekstrarkostnaður
• Gunnar Gunnarsson: Hver hjálpar henni og hennar líkum?
• Jón Aðalsteinn Jónsson: Íslenski kerruklárinn (þjóðin)