Innlent | mbl | 11.7.2009 | 20:27 | Uppfært 20:49

Vel heppnað Landsmót UMFÍ

Mynd 1 af 41 Helga G. Guðjónsdóttir formaður UMFÍ og Hermann Jón Tómasson, bæjarstjóri á Akureyri, afhjúpa fjóra bautasteina við nýja íþróttaleikvanginn á Þórssvæðinu í Glerárhverfi. Skapti Hallgrímsson

Mynd 2 af 41 Engu líkara er en þarna sé ein kona á ferðinni í 200 m hlaupi en þrír skuggar leiða sannleikann í ljós. Stúlkurnar eru, frá vinstri, Hafdís Sigurðardóttir HSÞ, Hugrún Jörundsdóttir úr ÍBH og Guðbjörg Rúnarsdóttir, ÍBH. Skapti Hallgrímsson

Mynd 3 af 41 Björn Stefánsson ÍBA í skotgreininni "sporting", leirdúfuskotfimi. Skapti Hallgrímsson

Mynd 4 af 41 Helga Margrét Þorsteinsdóttir frjálsíþróttakona. Skapti Hallgrímsson

Mynd 5 af 41 HSK menn í bridskeppninni. Skapti Hallgrímsson

Mynd 6 af 41 Helga G. Guðjónsdóttir formaður UMFÍ og Hermann Jón Tómasson, bæjarstjóri á Akureyri, brosa breitt eftir að þau afhjúpuðu fjóra bautasteina við nýja íþróttaleikvanginn á Þórssvæðinu í Glerárhverfi. Skapti Hallgrímsson

Mynd 7 af 41 Fjóla Signý Hannesdóttir úr HSK kemur fyrst í mark í fyrri riðli 100 m grindahlaupsins í gær. Til vinstri er Jóhanna Kristín Jóhannesdóttir úr ÍBR. Skapti Hallgrímsson

Mynd 8 af 41 Gamla kempan, Ólafur Guðmundsson úr HSK, fyrstur um miðbik seinni riðils 110 m grindahlaupsins en Bjarki Gíslason úr UFA/UMSE fór fram úr honum og kom fyrstur í mark. Þriðji er Sigurður L. Stefánsson úr Fjölni, sem einnig komst í úrslit. Besta tímanum í greininni náði Þorsteinn Ingvarsson, HSÞ. Skapti Hallgrímsson

Mynd 9 af 41 Franziska Jóney Pálsdóttir úr HSK komst áfram úr undankeppni hástökksins. Skapti Hallgrímsson

Mynd 10 af 41 Guðrún Haraldsdóttir úr ÍBR vippar sér yfir stöngina í hástökkskeppninni. Skapti Hallgrímsson

Mynd 11 af 41 Þorsteinn Ingvarsson úr HSÞ kemur fyrstur í mark í riðlakeppni 200 m hlaupsins. Skapti Hallgrímsson

Mynd 12 af 41 Steinþór Óskarsson úr ÍBR á undan Haraldi Einarssyni, HSK, í riðlakeppni 200 m hlaupsins. Skapti Hallgrímsson

Mynd 13 af 41 Bjarni Malmquist úr Fjölni í undankeppni langstökksins. Skapti Hallgrímsson

Mynd 14 af 41 Helga G. Guðjónsdóttir, formaður UMFÍ, færði Gunnlaugi Júlíussyni ofurhlaupara lárviðarsveig þegar hann kom hlaupandi inn á setningarhátíð landsmótsins á Þórsvellinum, og lauk þar með hlaupi sínu frá Reykjavík til Akureyrar. Skapti Hallgrímsson

Mynd 15 af 41 Stefán Friðgeirsson á Svanbaldri frá Litla Hóli, 16 vetra, í fjórgangskeppninni. Þeir félagarnir kepptu fyrir ÍBA. Skapti Hallgrímsson

Mynd 16 af 41 Baltasar Kormákur, leikstjórinn kunni, á Brimi frá Bakka í fjórgangskeppninni. Þeir kepptu fyrir UMSS. Skapti Hallgrímsson

Aðstæður fyrir siglingamenn voru framúrskarandi. Hlýtt en góður vindur. Skemmtiferðarskipið við Oddeyrarbryggjuna skapaði fallegan bakgrunn.

Mynd 17 af 41 Aðstæður fyrir siglingamenn voru framúrskarandi. Hlýtt en góður vindur. Skemmtiferðarskipið við Oddeyrarbryggjuna skapaði fallegan bakgrunn. Skapti Hallgrímsson

Mynd 18 af 41 Hugrún Geirsdóttir úr HSK vandar sig við pönnukökubaksturinn. Skapti Hallgrímsson

Mynd 19 af 41 Dómarar telja pönnukökurnar, vega útlit þeirra og meta. Skapti Hallgrímsson

Mynd 20 af 41 Þorsteinn Ingvarsson úr HSÞ sigraði með yfirburðum í 200 metra hlaupinu. Fyrr um daginn hafði hann tryggt sér sigur í langstökki þannig að hann byrjar heldur betur vel á Landsmótinu. Þessi efnilegi íþróttamaður stefnir ótrauður að því að bæta a.m.k. tvennum gullverðlaunum enn í safnið. Skapti Hallgrímsson

Mynd 21 af 41 Sandra Pétursdóttir úr ÍBR sigraði mjög örugglega í sleggjukast. Skapti Hallgrímsson

Mynd 22 af 41 Erla Dögg Haraldsdóttir syndir til sigurs í 100 metra bringusundinu í norðlenskri sól í gær. Vitað mál var að hún og unnusti hennar, Árni Már Árnason, bæði úr UMFN, væru lang sigurstranglegustu og þau létu verkin tala. Skapti Hallgrímsson

Mynd 23 af 41 Fjölmargir tóku þátt í sýningargreininni kirkjutröppuhlaupi, einni ferð upp. Þessi ungi piltur, Númi Kárason, náði mjög góðum tíma. Skapti Hallgrímsson

Mynd 24 af 41 Pétur Eyþórsson, til vinstri, úr ÍBR, sigraði Ólaf Odd Sigurðsson, HSK, í síðustu glímu Landsmóts UMFÍ eftir rúmlega tíu mínútna baráttu. Skapti Hallgrímsson

Mynd 25 af 41 Pétur Eyþórsson, til vinstri, úr ÍBR, sigraði Ólaf Odd Sigurðsson, HSK, í síðustu glímu Landsmóts UMFÍ eftir rúmlega tíu mínútna baráttu. Skapti Hallgrímsson

Mynd 26 af 41 Forseti Íslands, Ólafur Ragnar Grímsson, var viðstaddur setningarathöfnina. Hér gengur hann til sætis ásamt Helgu G. Guðjónsdóttur, formanni UMFÍ, og Birni Jósef Arnviðarsyni, sýslumanni. Skapti Hallgrímsson

Mynd 27 af 41 Fjöldi gamalla ungmennafélaga tók þátt í landsmótinu. Hluti hópsins gengur inn á völlinn við setningarathöfnina. Skapti Hallgrímsson

Mynd 28 af 41 Starfshlaupið vakti mikla athygli. Hér reynir Kristján Þór Júlíusson alþingismaður og formaður Landsmótsnefndar, að hitta kartöflum ofan í fötu. Skapti Hallgrímsson

Mynd 29 af 41 Gunnlaugur Júlíusson tók þátt í fyrsta Eyjafjarðarmaraþoninu strax á laugardagsmorgun, en kvöldið áður lauk hann sex daga hlaupi frá Reykjavík til Akureyrar. Skapti Hallgrímsson

Mynd 30 af 41 Lið UÍA og UMSE/UFA eigast við á knattspyrnuvellinum. Skapti Hallgrímsson

Mynd 31 af 41 Hrafnhildur Eir Hermóðsdóttir úr ÍBR, lengst til hægri, kemur í mark sigurvegari í 100 m hlaupinu. Hrafnhildur henti sér af svo miklum krafti yfir marklínuna að hún missteig sig og datt en brosti breitt þrátt fyrir smá rispur. Hafdís Sigurðardóttir (49) varð önnur og Linda Björk Lárusdóttrir (203) þriðja. Skapti Hallgrímsson

Mynd 32 af 41 Ásdís Hjálmsdótti úr ÍBR sigraði örugglega í spjótkastskeppninni og bætti eigin árangur í kúluvarpi. Skapti Hallgrímsson

Mynd 33 af 41 Þorsteinn Ingvarsson úr HSÞ, lengst til hægri, sigrar í 200 m hlaupinu. Skapti Hallgrímsson

Mynd 34 af 41 Hulda Þorsteinsdóttir úr ÍBR stökk 3,60 m í stangarstökki sem er landsmótsmet. Skapti Hallgrímsson

Mynd 35 af 41 Kristín Sigfúsdóttir greinarstjóri, Þorsteinn Bergsson UÍA sem nældi sér í silfurverðlaun, Hjördís Haraldsdóttir UMSE, sem sigraði, og Guðný A. Valberg HSK, sem fékk bronsið. Skapti Hallgrímsson

Mynd 36 af 41 Hákon Þorvaldsson úr UMSB vandar sig í dráttarvélaakstrinum. Skapti Hallgrímsson

Mynd 37 af 41 Þórey Haraldsdóttir slær blakboltann á „ströndinni“ við KA-heimilið. Strandblakið var sýningargrein á landsmótinu. Skapti Hallgrímsson

Mynd 38 af 41 Sigurður Aðalsteinsson og Guðmundur Hallgrímsson úr UÍA áður en starfshlaupið hófst. Guðmundur tók nú þátt í 18. Landsmóti UMFÍ og hefur ekki sleppt nema einu síðan hann tók fyrst þátt, á Akureyri 1955. Hann var ekki með á Laugarvatni 1965, því eiginkona hans var þá nýbúin að fæða barn. Skapti Hallgrímsson

Mynd 39 af 41 Guðmundur Hólmar Jónsson úr ÍBR sigraði í spjótkastskeppninni. Skapti Hallgrímsson

Mynd 40 af 41 Steingrímur J. Sigfússon, fjármálaráðherra, keppti í starfshlaupinu. Hér spænir ráðherrann í sig Brynjuís áður en hann gerir atlögu að grindunum. Skapti Hallgrímsson

Mynd 41 af 41 Mikil stemning á frjálsíþróttavellinum alla dagana og oft fjölmennt í stúkunni. Skapti Hallgrímsson

Fjöldi fólks fylgdist með keppninni á frjálsíþróttavellinum í dag. mbl.is/Skapti Hallgrímsson

Mjög góð stemning hefur verið á 26. Landsmóti Ungmennafélags Íslands, sem hófst á Akureyri á fimmtudaginn og lýkur á morgun. Veðrið hefur verið frábært allan tímann; glampandi sól og hátt í 20 stiga hiti. Fjöldi fólks er á Akureyri í tengslum við mótið.

Í dag tvíbætti Ásdís Hjálmsdóttir, ÍBR, landsmótsmetið í spjótkasti og Þorsteinn Ingvarsson úr HSÞ nældi í þriðju gullverðlaun sín á mótinu, þegar hann sigraði í 100 metra hlaupi.

Starfshlaupið vakti mikla athygli og um eitt þúsund áhorfendur skemmtu sér konunglega þegar Steingrímur J. Sigfússon, fjármálaráðherra, Kristján Þór Júlíusson, alþingismaður og fleiri kempur reyndu með sér í 400 metra hlaupi með ýmsum skrautlegum útúrdúrum og þrautum.

Ítarlega verður fjallað um Landsmót UMFÍ í Morgunblaðinu á mánudaginn.