Ökuníðingur á leið í afplánun

Ökuníðingur sem lögreglan á höfuðborgarsvæðinu stöðvaði norðanvert í Hvalfirði í gærkvöld eftir mikinn eltingarleik er á leið í apflánun. Maðurinn hlaut nokkurra mánaða fangelsisdóm og var ákveðið að kalla hann í afplánun.

Skýrslur voru teknar af manninum í dag en hann eyddi nóttinni á sjúkrahúsi.

Maðurinn ók á ofsahraða út úr höfuðborginni um kvöldmatarleytið í gær  og um Vesturlandsveg. Ók hann þaðan inn í Hvalfjörð og var að nálgast Vesturlandsveg að nýju þegar bifreið hans hafnaði utanvegar ekki langt frá Grundartanga. Fjöldi lögreglubifreiða elti ökuníðinginn enda mikil umferð um alla þjóðvegi í nágrenni höfuðborgarsvæðisins. Jafnframt tók sjúkrabifreið þátt í eftirförinni.

Að sögn lögreglu hefur ekki fengist skýring á athæfi mannsins. Hann hvar hvorki undir áhrifum áfengis né vímuefna þegar lögregla handtók hann en í miklu óstandi.

Maðurinn á að baki nokkurn brotaferil. Síðdegis kom í ljós að hann á eftir að afplána nokkurra mánaða fangelsisdóm sem hann hlaut fyrir hegningarlagabrot. Hann var þegar færður til afplánunar.

Eins og skýringarmyndirnar að ofan sýna lá leið ökuníðingsins fyrst um íbúðagötur og göngustíga í Breiðholtinu, síðar um fjölfarnar umferðaræðar og loks Vesturlandsveg og þaðan inn Hvalfjörð. Á þessum tíma, um kvöldmatarleytið, var þungur umferðarstraumur inn í höfuðborgina og mildi að ekki urðu slys á öðrum ökumönnum.

• 4 blogg um fréttina

Bloggað um fréttina

• Haraldur Haraldsson: Ökuníðingur á leið í afplánun/Mjög svo umdeilt aðferð Lögreglu !!!!
• Brynja Dögg Ívarsdóttir: Ökuníðingurinn á leið í afplánun
• Jóhannes Guðnason: Stórkostlegt hjá LÖGREGLUNNI þeir eiga LOF skilið.!!!!!!!!!!!!!!!!!!!!!!!
• Hilmar Sigvaldason: Lögreglan á lof skilið !