Jóhanna dregur Ísland í átt að ESB

Skopteikning dagsins í danska dagblaðinu Jyllands-Posten sýnir Jóhönnu Sigurðardóttur, forsætisráðherra Íslands, reyna að draga Ísland með handafli inn í Evrópusambandið. Á myndinni hefur Jóhanna, sem situr á hestbaki, brugðið reipi um Ísland og reynir að draga það á eftir sér í átt að vegvísi sem vísar leiðina inn i sambandið. 

Í frétt vefjarins Icenews um málið segir að myndin sýni greinilega þá miklu andstöðu sem sé við ESB-aðild á meðal Íslendinga.

Skopmyndir Jyllands-Posten þykja oft mjög pólitískar en þekktastar eru teikningar blaðsins af Múhameð spámanni. Þær myndir ollu mikilli reiði meðal múslíma og höfðu mikil áhrif á samskipti  og viðskipti Dana og Arabaríkjanna.

• 6 blogg um fréttina

Bloggað um fréttina

• Benedikta E: Skopskyn Dananna bregst ekki! Skopteikning í Jyllands-Posten sýnir Jóhönnu reyna …
• Arnmundur Kristinn Jónasson: Spámaður.
• Guðrún María Óskarsdóttir.: Málefnatilbúnaður Samfylkingar er sá að " sjá hvað er í …
• Axel Þór Kolbeinsson: Hér er myndin
• Ásgeir Rúnar Helgason: Ríður Grána
• Haraldur Haraldsson: Jóhanna dregur Ísland í átt að ESB/satt er orðið !!!!!!