18 greindir með svínaflensu
LUIS GALDAMEZ
Setja bókamerki
Síðasta sólarhringinn hafa greinst þrjú tilfelli á Íslandi af nýju inflúensunni A(H1N1)v, oft nefnd svínaflensa og hefur hún því greinst hjá samtals 18 manns á Íslandi frá því í maí sl. Þetta kemur fram á vef landlæknisembættisins.
Um er að ræða 24 ára karlmann sem ekki hefur ferðast erlendis og ekki haft tengsl við ferðalanga. Þá greindist inflúensan hjá 54 ára gömlum bandarískum ferðamanni sem kom til landsins 15. júlí sl. og 7 ára gömlum dreng sem kom frá Bretlandi 17. júlí sl.
Engin þessara sjúklinga var með alvarleg einkenni og eru þeir allir á batavegi.
Hefur þeim sem greinst hafa undanfarna viku fjölgað mjög en þann 16. júlí sl. voru þeir átta talsins.
Hluti bílastæðis undir hraun: Ómögulegt að meta tjón
Mjög alvarlegt ef Njarðvíkuræð gefur sig
„Má segja að þetta gos hafi þjófstartað“
Fullvissa ferðamenn um að hér sé öruggt
Ástæða til að ætla að eldgosahrinu fari að ljúka