Þingi frestað til 4. ágúst

Þingfundi er lokið í dag og lauk með lögfestingu nokkurra mála, m.a. frumvarps um sérstakan saksóknara og eflingu embættisins.

Þá var frumvarp um  fjölgun gjalddaga útvarpsgjalds úr einum í þrjá hjá einstaklingum samþykkt en markmiðið með breytingunni er að skapa fjárhagslegt hagræði fyrir einstaklinga með dreifingu á greiðslu útvarpsgjaldsins.

Nefndafundir verða haldnir alla næstu viku. Fjárlaganefnd og efnahags og skattanefnd halda áfram umfjöllun um ríkisábyrgð vegna Icesave-samkomulags við Breta og Hollendinga.

Þing kemur saman að nýju þriðjudaginn 4. ágúst. Rólegt var yfir þinginu í dag og greinilegt að þingmenn voru helgarfríinu fegnir.

• 2 blogg um fréttina

Bloggað um fréttina

• Jón Ingi Cæsarsson: Aðstoðarmaður formanns Framsóknarflokksins meðal ákærðra.
• Guðmundur Jónas Kristjánsson: Vinstrimenn skósveinar útrásarmafíuósa !