Hringurinn að lokast

Einar Vilhjálmsson og Ómar Ragnarsson hafa um helgina ekið hringinn í kringum landið á bíl knúnum íslensku metani. Aldrei fyrr hefur hringvegurinn verið ekinn á bíl knúnum alíslensku eldsneyti.

Netnotendur geta fylgst með leiðangrinum í gegnum gervihnött. Búnaður um borð í bílnum sýnir staðsetningu og ökuhraða bílsins. Hægt er að fylgjast með á vefsíðu með nákvæmu Íslandskorti sem uppfærist á 60 sekúndna fresti.

Hana er að finna hér.  

Tilgangurinn með hringferðinni er að vekja athygli á þeim möguleikum sem felast í innlendri eldsneytisframleiðslu og metanbílum sem vistvænum og sparneytnum valkosti í samgöngum. Nýir metanbílar eru undanþegnir vörugjöldum og unnið er að því að bjóða almenningi upp á að breyta bílum sínum svo þeir geti gengið fyrir metani. 

Katrín Júlíusdóttir iðnaðarráðherra mun fara til móts við leiðangursmenn nú seinnipartinn og sitja undir stýri á metanbifreiðinni síðasta spölinn. Ferðinni lýkur við metanstöðina á Bíldshöfða 2. 

• 2 blogg um fréttina

Bloggað um fréttina

• Ómar Ragnarsson: Eins langt og hratt og á bensíni.
• Haraldur Haraldsson: Hringurinn að lokast/ Vonandi að þetta verði lausninn!!!!!