Telja tvöföldun Suðurlandsvegar brýnasta

Meirihluti þjóðarinnar, eða um 55%,  telur, að tvöföldun Suðurlandsvegar sé brýnasta samgöngubótin um þessar mundir, að því er kemur fram í Þjóðarpúlsi Gallup, sem sagt var frá í fréttum Ríkisútvarpsins.

Fram kom, að meirihluti þátttakenda í fimm kjördæmum af sex töldu breikkun Suðurlandsvegar mikilvægasta. Aðeins í Norðausturkjördæmi taldi meirihlutinn að Vaðlaheiðargöng væru brýnari en fjórðungur svarenda í kjördæminu taldi þó Suðurlandsveg brýnari. 

Í könnuninni voru einnig nefnd tvöföldun Vesturlandsvegar og vegabætur á Vestfjörðum.

Í Þjóðarpúlsinum var einnig spurt um viðhorf fólks til ýmissa málaflokka. Meirihluti fólks kvaðst sáttur við eigið atvinnuástand og fjármál. Óánægjan fór hins vegar vaxandi þegar spurt var um málaflokka eins og opinbera stjórnsýslu á Íslandi, húsnæðisverð og efnahagsmál. 88% aðspurðra sögðu framfærslukostnað of háan eða allt of háan og 94%  sögðu atvinnuástandið almennt óviðunandi.

• 9 blogg um fréttina

Bloggað um fréttina

• Haraldur Haraldsson: Telja tvöföldun Suðurlandsvegar brýnasta/svo Sundabraut segir staðan!!!!!
• Jón Snæbjörnsson: Eftir hverju er verið að bíða
• Guðrún María Óskarsdóttir.: Rúmlega helmingur þjóðarinnar vill tvöfalda Suðurlandsveg.
• Birgir Þór Bragason: Tvöföldun ónauðsynleg
• Sigurður Jón Hreinsson: Má lækna heimsku með vegaframkvæmdum ?
• Sigurður Jónsson: Framkvæmd númer eitt,tvö og þrjú.
• Morten Lange: Tvöföldun sveitarvega er svo 2007
• Eyþór Laxdal Arnalds: Nú er rétti tíminn til að ráðast í verkið
• Jóhannes Ragnarsson: Minna en fimmföldun kemur ekki til greina