Átak til kynningar á málstað Íslands

InDefence samtökin leita nú Íslendinga til að kynna málstað landsins erlendis. Leitað er að fólki sem hafa tengsl við erlenda fjölmiðla, þekkingu sem gætu nýst við kynninguna, reynslu af almannatengslum og gott vald á erlendum tungumálum. Nauðsynlegt sé að Íslendingar leggist á eitt svo hægt verði að ná eyrum alþjóðasamfélagsins.

InDefence samtökin óska nú eftir liðsinni Íslendinga til að kynna málstað Íslands í nágrannalöndunum. Það liggi fyrir að Icesave samningurinn verði afgreiddur á næstu dögum og hver sem niðurstaðan verði sé nauðsynlegt að Íslendingar vinni saman að því markmiði að kynna málstað landsins erlendis, bæði fyrir almenningi og fyrir stjórnvöldum. Reynslan sýni að með samstilltu átaki og markvissri vinnu sé mögulegt að ná eyrum alþjóðasamfélagsins. Þetta kemur fram í fréttatilkynningu sem hópurinn hefur sent frá sér.

Þá segir að InDefence hópurinn muni á komandi vikum vinna ötullega að þessu verkefni og óski því eftir liðsinni Íslendinga sem telji sig hafa tengsl eða þekkingu sem gætu nýst við kynninguna. Meðal annars leiti samtökin að fólki sem hafi tengsl við erlenda fjölmiðla, hvort sem þau eru fagleg eða persónleg, reynslu af almannatengslum og hafi mjög gott vald á evrópskum tungumálum, þá sérstaklega hollensku, þýsku eða spænsku.

Þeir sem hafa áhuga á að leggja verkefninu lið eru beðnir um að senda tölvupóst með helstu upplýsingum og hugmyndum á info@indefence.is.

• 5 blogg um fréttina

Bloggað um fréttina

• Auðun Gíslason: Sigmundur Davíð í kosningaham?
• Jakobína Ingunn Ólafsdóttir: Íslendingar þurfa að þjappa sér saman
• S. Lúther Gestsson: Við megum ekki einu sinni knúsa hvort annað.
• Bárður Örn Bárðarson: Hvar er nú Forseti vor
• Gunnar Gunnarsson: Allir nema stjórnvöld reiðubúnir